პროექტის გეგმა

პროექტის გეგმა

პროექტის სახელი	მათემატიკის როლი კაცობრიობის განვითარების ისტორიაში
მასწავლებელი	ნინო ლაკვეხელიანი
საგანი/კლასი	მათემატიკა/IX
განხორციელების დრო	2 თვე
პროექტის შინაარსი	პროექტი ეხება ცნობილი მათემატიკოსების აღმოჩენების შესწავლის საფუძველზე მათემატიკის ცხოვრებაში გამოყენების მნიშვნელობას.     მოსწავლეები იკვლევენ ცნობილი მათემატიკოსების ცხოვრებასა და მოღვაწეობას. მათ სამეცნიერო მიღწევებსა და აღმოჩენებს. მოძებნიან ცხოვრების სხვადასხვა სფეროში მათემატიკის პრაქტიკული გამოყენების მაგალითებს. ჩაატარებენ კვლევებს და პრაქტიკულ ცდებს, შექმნიან მოდელებსა და სხვა თვალსაჩინოებებს.     პროექტის ფარგლებში ხელოვნების და არქიტეკტურის ნიმუშებზე ჩაატარებენ კვლევა-დაკვირვებებს და გააკეთებენ სათანადო დასკვნებს, შეადარებენ ერთმანეთს ოქროს კვეთის სხვადასხვა ფორმებს, დაინახავენ მათემატიკის აუცილებელ კავშირს ბუნებასთან და ყოველდღიურ ცხოვრებასთან. თავიანთი კვლევის შედეგებს, თვალსაჩინოებებს და სხვა საინტერესო ინფორმაციებს განათავსებენ სპეციალურ ბლოგზე. ჩაატარებენ კონფერენციას.
პროექტის მიზნები	პროექტის მიზნები: მოსწავლეებისთვის აზროვნების უნარის განვითარება მათემატიკის როგორც სამყაროს აღწერისა და მეცნიერების უნივერსალური ენის ათვისება მათემატიკის, როგორც ზოგად საკაცობრიო კულტურის შემადგენელი ნაწილის გაცნობიერება ცხოვრებისეული ამოცანების გადასაწყვეტად საჭირო ცოდნის გადაცემა და ამ ცოდნის გამოყენების უნარის განვითარება უნარ-ჩვევები: ვარაუდების გამოთქმა და კერძო შემთხვევებში მისი კვლევა საწყისი მონაცემების შერჩევა და ორგანიზება (მათ შორის აქსიომების, ანდა უკვე ცნობილი ფაქტების) არსებითი თვისებებისა და მონაცემების გამოყოფა დამტკიცების, დასაბუთების ხერხის შერჩევა (მაგალითად, საწინააღმდეგოს დაშვების მეთოდის გამოყენება, ევრისტული მეთოდის გამოყენება) თეორემების, დებულებების დასკვნის ანალიზი, ერთი ან რამდენიმე პირობის, შეზღუდვის შესუსტებით ან მოხსნით ინფორმაციის წარმოდგენის ხერხებისა და მეთოდების ფლობა, გამოყენება; სხვადასხვა გზით წარმოდგენილი ინფორმაციის ინტერპრეტაცია, მასზე მსჯელობა, ერთმანეთთან დაკავშირება ინფორმაციის გადაცემისას საკითხის არსის წარმოჩენა.

	მოდელირება ჩვეულ გარემოში (ყოველდღიურ ცხოვრებაში) მათემატიკური ობიექტებისა და პროცესების შემჩნევა და მათი თვისებების გამოყენება მოდელის აგებისას, პარქტიკული ამოცანების გადაჭრისას მოცემული მოდელის ელემენტების ინტერპრეტირება, იმ რეალობის კონტექსში, რომელსაც იგი აღწერს და პირიქით, რეალური ვითარების დაკვირვების შედეგად მიღებული მონაცემების ინტერპრეტირება შესაბამისი მოდელის ენაზე. მოცემული მოდელის გაანალიზება და შეფასება, კერძოდ მისი მოქმედების არეალისა და მოდელის ადეკვატურობის დადგენა. შესაძლო ალტერნატივების განხილვა და შედარება პრობლემის გადაჭრა პრობლემის გადაჭრელად საჭირო სტრატეგიებისა და რესურსების შერჩევა, მათი გამოყენება და ეფექტიანობის მონიტორინგი პრობლემის გადაჭრის ადეკვატური დამხმარე ტექნიკური საშუალებებისა და ტექნოლოგიების შერჩევა და მათი გამოყენება დამოკიდებულება თანამშრომლობა ჯგუფური სამუშაოების შესრულებისას; კორექტულობა მასწავლებლებთან და მეგობრებთან მიმართებაში; მათემატიკის ადგილისა და მნიშვნელობის შეფასება სხვადასხვა დისციპლინებში, ბიზნესში, ხელოვნებაში და ადამიანის მოღვაწეობის სხვადასხვა სფეროებში ინფორმაციული ტექნოლოგიების გამოყენებისას ეთიკურ/სოციალური ხასიათის პრობლემების გაცნობიერება და ეთიკური ნორმების დაცვა.
ესგ-ით მისაღწევი შედეგები	მათ. IX.8. მოსწავლეს შეუძლია ფიგურების ან მათი ელემენტების ზომების მოძება/შეფასება და მათი გამოყენება პრაქტიკული პრობლემების გადაჭრისას.      შედეგი თვალსაჩინოა, თუ მოსწავლე: დაადგენს ფიგურის ზომებს შორის დამოკიდებულების ტიპს და იყენებს ამ დამოკიდებულებას ამოცანების ამოსახსნელად (მაგალითად, კვადრატის ფართობის დამოკიდებულება გვერდზე; წრის ფართობის დამოკიდებულება მის რადიუსზე); იყენებს მართკუთხა სამკუთხედის გვერდებსა და კუთხეებს შორის ტრიგონომეტრიულ თანაფარდობებს რეალურ ვითარებაში ობიექტთა ზომების ან ობიექტებს შორის მანძილების დასადგენად (მაგალითად, იმ საგნის სიმაღლის გაზომვა, რომლის ფუძე მიუდგომელია, მიუდგომელ წერტილამდე მანძილის გამოთვლა). მათ. IX.9. მოსწავლეს შეუძლია გეომეტრიული გარდაქმნებისა და მათი კომპოზიციების კვლევა და გამოყენება.        შედეგი თვალსაჩინოა, თუ მოსწავლე: მსჯელობს, თუ რა გეომეტრიული გარდაქმნა შეიძლება იყოს მოცემული ორი გეომეტრიული გარდაქმნის კომპოზიცია; ასაბუთებს თავის მოსაზრებას; ფიგურების შესახებ სხვადასხვა მონაცემების საფუძველძე გამოტქვამს ვარაუდს იმის შესახებ შეიძლება, თუ არა მოცემული გარდაქმნის გამოყენებით, მოცემული ფიგურისგან მეორე მოცემული ფიგურის მიღება; მათ. IX.12.  მოსწავლეს შეუძლია დამოუკიდებელ ხდომილობათა ალათობების გამოთვლა შეფასება შემთხვევითი ექსპერიმენტებისთვის დაბრუნებით და დაბრუნების გარეშე.      შედეგი თვალსაჩინოა თუ მოსწავლე; იყენებს ალბათობის თვისებებსა და ფორმულებს (ჯამისა და ნამრავლის) ხდომილობათა ალბათობის გამოსათავლელად; გეგმავს შემთხვევით ექსპერიმენტს, შემთხვევითი ექსპერიმენტის ჩასატარებლად ერთ მოწყობილობას ჩაანცვლებს სხვა მოწყობილობით და ასაბუთებს არჩევანს; ასახელებს რთული ხდომილობის ხელშემწყობ ელემენტარულ ხდომილებებს და იყენებს ალბათობის კლასიკურ განსაზღვრას რთული ხდომილობის ალბათობის გამოსათვლელად
მოსალოდნელი შედეგები	მოსწავლეები შექმნიან დამაჯერებელ პრეზენტაციებს შერჩეული აუდიტორიისათვის. მოსწავლეეიბ შეაგროვებენ, გაანალიზებენ და ორგანიზებას გაუკეთებენ, შეაფასებენ და და დაამუშავებენ ინფორმაციას თეორიული მათემატიკის პრაქტიკაში გმაოყენების შესახებ შექმნიან ბლოგს, სლაიდშოუს, დაამზადებენ თვალსაჩინო გეომეტრიულ ფიგურებს; დაწერენ მცირე ზომის კვლევებს ჩაატარებენ კონფერანციას
მიმართულების მიმცემი კითხვები	მთავარი კითხვა: რაში გამოვიყენებთ მათემატიკის ცოდნას ? თემატური კითხვები: როგორ ფიქრობთ რა არ იცოდით, რა გაიგეთ ამ პროექტზე მუშობით? რატომ უნდა ვისწავლოთ მათემატიკა? ხედავთ თუ არა მატემატიკის კავშირს ყოფა ცხოვრებაში? შინაარსობრივი კითხვები: რა არის მათემატიკა? რომელ ცნობილ მათემატიკოსებს იცნობთ?(ან გაეცანით?) რომელი მათემატიკოსებია რომელთა თეორიაც არ გისწავლიათ სკოლაში და თქვენ მოიძიეთ მათზე ინფორმაცია? რაში მდგომარეობს პითაგორის თეორემის არსი ? როგორ იზომება პითაგორის თორემის დახმარებით შენობის სიმაღლე (პირამიდის?) როგორ შექმნა დეკარტემ მართკუთხა კოორდინატთა სისტემა? რაში გამოიყენება თალესის თეორემა ? როგორ შეიძლება ვიპოვოთ მანძილი ერთი ადგილიდან მეორე მიუწვდომელ ადგილამდე ? გამოიყენებთ თუ არა არქიმედეს ბერკეტის წესს მათემატიკაში? რა აღმოაჩინა ევკლიდემ? რა იცით ევკლიდეს კონუსურ კვეთაზე? რა არის ოქროს კვეთა და როგორ ვიყენებთ მას სხვადასხვა სფეროში? რა იცით ქართველ მათემატიკოსებზე?
გამოყენებული ლიტერატურა	www.wikipedia.org www.ucnauri.com www.qetiruadze.blogpost.com www.intermedia.ge

პროექტის მსვლელობა

I ნაბიჯი:

რატომ გადავწყვიტეთ ამ პროექტის შექმნა?

7-8-9 კლასებში ბავშვებმა შეისწავლეს ცნობილი მათემატიკოსის თეორემები და გაუჩნდათ კითხვები თუ რაში გამოიყენებოდა მათი თეორემები პრაქტიკულ ცხოვრებაში და საერთოდ გაეგოთ ბევრი რამ მათემატიკის შესახებ.

II ნაბიჯი

ამისათვის 2017 წლის 1 თებერვალს შევიკრიბეთ და გადავწყვიტეთ შეგვექმნა პროექტი „მათემატიკის როლი კაცობრიობის განვითარების ისტორიაში“;

შევარჩიეთ თემები და გავანაწილეთ, თემების შერჩევის შემდეგ დავიწყეთ ინფორმაციის შეგროვება. მოვიძიეთ ძალიან ბევრი ინფორმაცია და გავიგეთ ბევრი ახალი რამ. პროექტზე მუშაობის პროცესში ვეხმარებოდი მოსწავლეებს თემების დამუშვებაში. გამოვიყენეთ მათემატიკის „ოქროს ფონდი“. ვისარგებლეთ სხვადასხვა საიტებით, გამოვიყენეთ სხვადასხვა სამეცნიერო ლიტერატურა და ენციკლოპედია.

III ნაბიჯი

ბავშვებმა დაამზადეს თვალსაჩინოებები, შექმნეს რესურსები, პითაგორას თეორემის დასამტკიცებლად, კონუსური კვეთის უკეთესად აღსაქმელად, დაამზადეს ბერკეტი, რითაც აჩვენებენ ფიზიკის გამოყენებას მათემატიკაში. ბავშვებმა შეისწავლეს ხელოვნების ნიმუშები, არქიტეკტურული ძეგლები და გააკეთეს საკმაოდ კარგი დასკვნები თუ სად იყო გამოყენებული მათემატიკა, კერძოდ გეომეტრიული ფიგურები, სიმეტრია, ოქროს კვეთა.

მოიძიეს ინფორმაცია ქართველ მათემატიკოსებზე.

IV ნაბიჯი

პროექტზე მუშაობის დასრულების შემდეგ, ბავშვებმა თავი მოუყარეს შეგროვილ ინფორმაციას, დაწერეს საპრეზენტაციო მოხსენებები, სადაც საკმაოდ კარგად აღწერეს რისი გაგება სურდათ და რა გაიგეს ახალი. ყველანი კმაყოფილები დარჩნენ, რადგან დაინახეს რომ მათემატიკა ერთ-ერთი ძირითადი მეცნიერებაა მსოფლიო პროგრესისათვის

V ნაბიჯი

დავნიშნეთ პრეზენტაციის თარიღი სადაც გამოვლენ მოხსენებებით და თავიანთ ნამუშევრებს წარმოადგენენ.